[31.07.2026 0:44] Milliy kutubxona | Rasmiy: [ 6 photos ]
#YKF26
📚 “Innovatsion loyihalar” tanlovi g‘oliblari aniqlandi
“Yosh kutubxonachilar” VI Respublika ilmiy-amaliy forumi doirasida axborot-kutubxona sohasini zamonaviy yondashuvlar asosida rivojlantirish, innovatsion g‘oyalarni qo‘llab-quvvatlash, istiqbolli loyihalarni amaliyotga tatbiq etishni rag‘batlantirish hamda yosh iste’dodlarni kashf etish maqsadida “Innovatsion loyihalar” tanlovi tashkil etildi.
📝 Tanlovga respublikaning turli hududlaridan jami 76 ta “StartUp” loyihasi kelib tushdi. Saralash bosqichi yakunlariga ko‘ra, eng istiqbolli deb topilgan 12 ta loyiha tanlovning ikkinchi bosqichiga yo‘llanma oldi.
📊 Forumning ikkinchi kunida final bosqichi ishtirokchilari o‘z loyihalarini ekspertlar va tanlov hay’ati a’zolari oldida taqdim etdilar. Taqdimotlar davomida har bir loyiha uning dolzarbligi, innovatsion yondashuvi, amaliy ahamiyati, amalga oshirish mexanizmlari, barqarorligi hamda kutilayotgan ijtimoiy samaradorligi mezonlari asosida atroflicha baholandi.
🏆 Tanlov hay’ati tomonidan o‘tkazilgan yakuniy baholash natijalariga ko‘ra, eng munosib loyihalar Gran-pri, I, II va III o‘rinlar bilan taqdirlandi.
🥇 Gran-pri sohibi sifatida Qodirov Ravshan e’tirof etildi.
🎁 Tanlov g‘oliblari diplom, hamda qimmatbaho sovg‘alar bilan taqdirlandilar.
👏 Mazkur tanlov axborot-kutubxona sohasida yangi g‘oyalar, innovatsion yechimlar va istiqbolli tashabbuslarni qo‘llab-quvvatlash, yosh mutaxassislarning ijodiy salohiyatini ro‘yobga chiqarish hamda ularning amaliy loyihalarini hayotga tatbiq etishda muhim maydon bo‘lib xizmat qildi.
Innavotsion loyihalar tanlovi g`oliblari aniqlandi.
